100 min dollar və daha çox valyuta almaq istəyənlər bir gün gözləyəcəklər

İnsider.az xəbər verir ki, Türkiyədə Bank bazarını tənzimləyən təşkilat (BDDK), bankların valyuta alışı və satışı əməliyyatlarına yeni qayda tətbiq edir.

Türkiyə mətbuatında verilən məlumata görə, BDDK-nın yeni qaydasına görə, 100 min dollar və daha yüksək məbləğdə valyuta almaq istəyənlər bir gün gözləyəcək. Xarici valyutanın Türk Lirəsi qarşılığı bir gün əvvəl yatırılacaq, alınan valyuta hesaba sabahısı gün keçəcək.

Qərar ilə spekulyativ valyuta tələbinin dayandırılması, bazar sabitliyinin dəstəklənilməsi məqsədləri güdülür. 

Valyutanı türk lirəsinə çevirənlər üçün müddət məhdudiyyəti yoxdur. Satılan valyutanın Türk Lirəsi qarşılığı eyni gün hesabda olacaq. 

Qaydanın bu gündən tətbiqinə başlanacaq.

Ötən günlərdə Türkiyədə valyuta alışına mində bir nisbətində vergi də tətbiq edilmişdir.