İyunun 1-dən VTB (Azərbaycan) nağd pul krediti və yenidən maliyyələşdirmənin şərtlərini yaxşılaşdıraraq, faiz dərəcəsini 1,5 faiz bəndi azaldaraq illik 14,5%-ə çatdırır. Krediti almaq üçün yalnız şəxsiyyət vəsiqəsini təqdim etmək kifayətdir, gəliri və məşğulluğu təsdiq edən sənədlər, habelə zamin tələb olunmur.

VTB (Azərbaycan)-dan nağd krediti 300 manatdan 35 000 manatadək 6 aydan 60 aya qədər müddətə əldə edə bilərsiniz. Yenidən maliyyələşdirmə proqramı çərçivəsində digər banklardan alınan bir neçə krediti birləşdirə, onlar üzrə olan borcu ödəyə, həmçinin əlavə vəsait əldə edə bilərsiniz.

“Müştərilərin müraciətlərinə vaxtında cavab vermək və sərfəli maliyyə həlləri təklif etmək VTB (Azərbaycan) üçün mütləq prioritetdir. Yay dövrü ənənəvi olaraq tətil mövsümü və deməli, əlavə xərclərlə əlaqələndirilir. Kredit məhsullarının şərtlərinin yenilənməsi müştərilərimizə məzuniyyət və digər məqsədlər üçün xərclərini planlaşdırmağa imkan verəcək. Eyni zamanda, biz müştərilərin borc yüklənməsinin qarşısını almaq üçün onların üzərinə düşən borc yükünün səviyyəsinə nəzarəti davam etdirəcəyik”, - deyə, VTB (Azərbaycan)-ın Pərakəndə Biznesin İnkişafı Departamentinin direktoru Yevgeni Borodin bildirib.

Nağd pul krediti əhali arasında ən populyar məhsullardan biridir. 2022-ci ilin yanvar-aprel aylarında VTB (Azərbaycan) 18,9 milyon manata yaxın məbləğdə 3,7 min nağd pul krediti verib ki, bu ötən ilin müvafiq dövrü ilə müqayisədə 2,7 dəfə çoxdur. Bankın bu seqment üzrə portfeli ilin əvvəlindən 18% artaraq aprelin sonunda 63,2 milyon manat təşkil edib.

Nağd pul krediti üçün bankın rəsmi saytından, eləcə də 986 qısa nömrəli əlaqə mərkəzi vasitəsilə məsafədən müraciət edə bilərsiniz. Kredit Bakı şəhəri və Abşeron yarımadası daxilində müştəri üçün əlverişli olan istənilən ünvana çatdırılır.