Kətan toxumu ilə zəngin qida rasionu siçanlarda döş xərçəngi riskini azaldıb.

Buna dair araşdırma “Microbiology Spectrum” jurnalında dərc olunub.

Eksperiment zamanı dişi siçanların qida rasionuna kətan toxumunun komponentləri – liqnanlar əlavə edilib. Bu maddələr həmçinin ağacların oduncaq hissəsində də olur. Bəzi liqnanlar fitoestrogenlərin, yəni qadın cinsi hormonlarına bənzər molekulların ilkin formalarıdır. Bir çox liqnanlar da antioksidant təsirə malikdirlər, yəni hüceyrələri zədələnmədən qoruyurlar. Daha öncə liqnanların qida ilə qəbulunun qadınların postmenopauza dövründə ölüm riskini azaltdığı müəyyən olmuşdur.

Yeni elmi işin müəllifləri müəyyən ediblər ki, liqnanların qida ilə qəbulu süd vəzisinin süd vəzilərinin xərçəngi riskinin artmasına cavabdeh olan hüceyrələrində genlərin aktivliyini azalda bilər. Bu təsir liqnan həzm olunarkən bağırsağın içərisində yaşayan mikroblar tərəfindən ifraz olunan molekullarla əlaqədar idi. Kor bağırsağın qısa zəncirli yağ turşuları ifraz edən faydalı anaerob bakteriyaların rezervuarı kimi xidmət etdiyi hesab edilir.

“Bu nəticələr təsdiqlənərsə, mikrobiota pəhriz müdaxiləsi ilə döş xərçənginin qarşısının alınması üçün yeni bir hədəf təmin edəcək”, - deyə ABŞ-nin Nyu York Universitetinin dosenti Yelena M. Komelli bildirib.

Oxu.Az