abs-da-teyyareye-macbook-pro-notbuklarini-kecirmek-qadagan-edildi

ABŞ-da təyyarəyə “MacBook Pro” notbuklarını keçirmək qadağan edildi

ABŞ aviasiya idarəsi (FAA) “Apple” şirkətinin istehsalı olan “MacBook Pro” notbuklarının təyyarə ilə daşınmasına qadağa qoyub.

İnsider.az xəbər verir ki, qadağa 2015-ci ilin sentyabrından 2017-ci ilin fevralına kimi satılmış kompyuterlərə şamil ediləcək.

İyunda “Apple” bu notbukların geri çağırılması haqqında bəyanat verib. Şirkətin mütəxəssisləri 15-düymlük “MacBook Pro”larda nöqsan aşkar ediblər: notbukun batareyası qızdığından yanğın təhlükəsi yaranır.   

FAA bundan xəbərdar olaraq qadağa qoyduğunu açıqlayıb.

Oxu.Az