ABŞ Türkiyədən Rusiya istehsalı S-400 hava hücumundan müdafiə sisteminin alınmasından vaz keçməsini tələb edib. Bunun əvəzində ABŞ istehsalı “Patriot” sistemlərini alması üçün Türkiyəyə iki həftə vaxt verib.

İnsider.az xəbər verir ki, bununla bağlı “Sputnik Türkiyə” məlumat yayıb.

“Türkiyə iki həftənin sonunda Rusiya ilə milyardlarla dollarlıq müqaviləni ləğv etməli və bunun əvəzinə ABŞ-da “Raytheon” şirkəti tərəfindən istehsal olunan “Patriot” raketdən müdafiə sistemi almalıdır. Yoxsa F-35 proqramından xaric edilmə, vəd edilən 100 ədəd F-35-i itirmə təhlükəsi, sanksiya ilə üzləşmə və NATO-nun mümkün reaksiyaları ilə qarşılaşacaq”, - məlumatda qeyd edilib.

Mənbələr bunun “ABŞ Xarici İşlər Nazirliyinin son təklifi” olduğunu bildirib.

©Oxu.az