fiat-chrysler-renault-a-etdiyi-teklifi-geri-goturdu

“Fiat Chrysler” “Renault”-a etdiyi təklifi geri götürdü

İtaliya-amerika şirkəti “Fiat Chrysler Automobiles NV” Fransanın “Renault SA” avtomobilqayırma korporasiyasına birləşməklə bağlı etdiyi təklifi geri çəkib.

İnsider.az xəbər verir ki, bu barədə “The Wall Street Journal” qəzeti yazıb.

Nəşrin məlumatına əsasən, “Fiat Chrysler” təklifini Fransa avtomobil istehsalçısının partnyoru “Nissan Motor Co.” birləşmək haqqında sazişi dəstəkləməkdən imtina etdikdən sonra geri çağırıb.

“The Wall Street Journal”-ın mənbələri qeyd edirlər  ki, “Renault”-nun baş investoru olan Fransa hakimiyyəti 40 mln dollarlıq saziş bağlanacağı təqdirdə danışıqlara hazır olduğunu bildirmişdi. Eyni zamanda Fransa müqavilənin “Renault” və “Nissan” alyansının şərtləri əsasında bağlanmağını tələb edirdi.

Xatırladaq ki, bir müddət öncə "The Financial Times" “Fiat Chrysler” və “Renault” arasında birləşməklə bağlı danışıqlar aparıldığını bildirmişdi. 

©Oxu.az