nazir-sahibkarlara-13-milyon-manata-yaxin-ixrac-tesviqi-odenilib

Nazir: Sahibkarlara 13 milyon manata yaxın ixrac təşviqi ödənilib

“Bu günə qədər Azərbaycanda sahibkarlara 13 milyon manata yaxın ixrac təşviqi ödənilib”.

İnsider.az xəbər verir ki, bunu iqtisadiyyat naziri Şahin Mustafayev "Azərtac"a müsahibəsində deyib.

Bildirib ki, kənd təsərrüfatı və emalı məhsullarına ixracla bağlı geri ödəmə mexanizminin tətbiq olunması ölkədə istehsal olunan qeyri-neft məhsullarının ixracının stimullaşdırılmasında mühüm rol oynayır.

Nazir qeyd edib ki, “Made in Azerbaijan” brendinin təşviqi məqsədilə indiyədək xarici ölkələrə 29 ixrac missiyası, o cümlədən bu ilin əvvəlindən 4 xarici ölkəyə (Çin, Polşa, Latviya, Qətər) 5 ixrac missiyası həyata keçirilib: “Azərbaycan məhsulları indiyədək 24 beynəlxalq sərgidə nümayiş olunub. Bu tədbirlər çərçivəsində Azərbaycan məhsullarının ixracına dair razılaşmalar və sifarişlər əldə edilir, müqavilələr imzalanır".