suruculerin-nezerine-avtomobilin-salonunda-qiymetli-esyalar-saxlamayin

Sürücülərin nəzərinə: Avtomobilin salonunda qiymətli əşyalar saxlamayın

Bakıda avtomobildən oğurluq olib.

İnsider.az xəbər verir ki, bu barədə DİN-in Mətbuat xidməti məlumat yayıb. Məlumata əsasən, Yasamal Rayon Polis İdarəsinin (RPİ) 27-ci Polis Bölməsi əməkdaşlarının keçirdikləri əməliyyat tədbirləri nəticəsində avqustun 21-də Tbilisi prospektində Bakı şəhər sakini Q.Əkbərova məxsus “Daewoo” markalı avtomobildən açıq qalmış pəncərədən girmək yolu ilə mobil telefon oğurlamaqda şübhəli bilinən Yevlax rayon sakini F.Məmmədov saxlanılıb.

DİN bir daha vətəndaşların nəzərinə çatdırır ki, avtomobillərini park etdikdə və ya qısa müddətdə ayrıldıqda belə nəqliyyat vasitələrinin qapılarını bağlasınlar, salonda qiymətli əşyalar saxlamasınlar.