tiktok-smartfon-uzerinde-isleyir

“TikTok” smartfon üzərində işləyir

“TikTok” sosial şəbəkəsinə sahib olan Çinin “ByteDance” şirkəti öz fərdi smartfonunun tərtibatı ilə məşğul olduğunu təsdiqləyib. Buna qədər şirkət smartfon sitehsalçısı olan “Smartisan Technology” ilə saziş bağlayıb. İnsider.az bu barədə “CNBC”-yə istinadla xəbər verir.

Cihaz haqda hər hansısa təfərrüatlar hələ ki, naməlumdur. Çinin “Caijing” nəşriyyatının məlumatına görə, şirkət smartfon üzərində son yeddi aydır ki, çalışır. Layihə üzərində işə “Smartisan”-ın keçmiş rəhbəri Vu Deçjou başçılıq edir.

Qeyd edək ki, “ByteDance”-in öz smartfonunun yaradılması barədə düşünməsi xəbərləri hələ bu ilin may ayında “Financial Times”-da çıxmışdı. Mənbələrə görə, şirkət smartfonlarına öz tətbiqlərinin quraşdırılmasını planlaşdırır.

Xatırladaq ki, cari ilin əvvəlində “ByteDance” “Smartisan”-ın bir neçə patentini alıb.

Samirə Məmmədova