Menu

Bakıdan Rusiyaya dəniz turları başlayır - VİDEO

insider.az / Turizm Oktyabr 09, 2018 12:55 43

Rusiya ilə Azərbaycan turizm və nəqliyyat sahəsində ikitərəfli əməkdaşlıq çərçivəsində Xəzərdə dəniz turizminin inkişafı üzrə birgə layihə hazırlayırlar. Layihə çərçivəsində Xəzəryanı ölkələrə kruiz səfərlər təşkil olunacaq. Bu isə həm Rusiyadan, həm də Xəzəryanı dövlətlərdən xeyli turist axını deməkdir.

İnsider.az “Xəzər” TV-yə istinadən xəbər verir ki, Avropa ölkələrində geniş yayılan kruiz səfərlərinin Xəzər dənizində təşkili “Pyotr Velikiy” gəmisi ilə həyata keçiriləcək.

Bundan əlavə, Rusiyanın Həştərxan vilayəti ilə Bakı arasında birbaşa gəmi reysinin açılması da nəzərdə tutulur. Dövlət Turizm Agentliyinin nümayəndəsi Kənan Quluzadənin sözlərinə görə, bu istiqamətdə hər iki tərəf arasında danışıqlar aparılır.

Kənan Quluzadə onu da bildirib ki, ölkəmizə gələn turistlərin 30 faizdən çoxu Rusiya vətəndaşlarıdır.