Menu

İstanbulda kirayə qiymətləri

insider.az / Turizm Fevral 09, 2019 17:57 37

"Endeksa"nın araşdırmasına görə, İstanbulda kirayə qiymətləri son bir ildə 2,89 faiz geriləyib. Meqa şəhərdə 100 kvadratmetrlik mənzil üçün orta hesabla 1600 lirə (510 manat) kirayə haqqı ödənir.

Insider.az araşdırmaya istinadən xəbər verir ki, şəhərdə ən yüksək orta kirayə haqqı 2 min 700 lirə ilə (865 manat) Sarıyerdədir, bu rəqəm, Esenyurt, Sancaktepe və Sultangazidə 900 lirəyə qədər düşür.

Daşınmaz əmlak məlumat təhlili platforması "Endeksa"nın araşdırmasına görə, artan təklif və xarici valyuta məzənnəsindəki dəyişiklik icarə qiymətlərinə ən çox təsir edən amillərdir. 

Əvvəllər xarici valyutada alınan kirayə haqlarının, hökümətin qərarı ilə Türk lirəsinə çevrilməsi kirayə qiymətlərinin geriləməsinə səbəb olub. Belə ki, İstanbulda son bir ildə  kirayə qiymətləri 2,89 faiz geriləyib. 

İstanbulda 100 kvadratmetrlik mənzil üçün ən yüksək orta kirayə haqqı 2 min 700 lirə ilə Sarıyerdədir. Bu bölgənin ardınca 2 min 600 lirə ilə Beşiktaş və Bəyoğlu gəlir.

İstanbulda ən aşağı orta kirayə haqqını 900 lirə ilə Esenyurt, Sancaktepe və Sultangazide yaşayanlar ödəyir. Bu rəqəm Sultanbeyli, Tuzla, Pendik, Çekmeköy, Beylikdüzü və Büyükçekmece-də min lirəyə çıxır.

©Marja.az