“Qara bəbir” filmi ilə geniş ictimaiyyət tərəfindən tanınan aktyor Çedvik Bouzmanın “Twitter” hesabında ölümünə dair yazı 2020-ci ildə ən çox repost olunan ismarıc olub.

Bu barədə “Variety” xəbər yayıb.

9 dekabr tarixinə qədər sözügedən paylaşım 2,4 milyon dəfə retvit olub.

Bundan əlavə, sosial şəbəkə istifadəçiləri ondan 924,6 min dəfə sitat gətirib, həmçinin 165 min şərh yazıblar və 7,5 milyon dəfə bəyəniblər.

“Twitter”də ikinci yeri bu ilin yanvarında təyyarə qəzasında həyatını itirən basketbolçu Kobe Brayantın ölümü barədə mesaj olub.

Siyahının üçüncü sətrində ABŞ-ın keçmiş prezidenti Barak Obamanın bu idmançının vəfatı ilə əlaqədar başsağlığı verən ismarıcı qərarlaşıb.

Yeri gəlmişkən xatırladaq ki, noyabrın 8-də Azərbaycan Ali Baş Komandanı İlham Əliyevin başçılığı ilə Milli ordumuzun Şuşanın işğaldan azad edilməsi elan olunduqdan sonra, “Twitter” platformasında #ŞUŞA açar sözü dünya üzrə, #Shusha açar sözü isə ABŞ və Almaniya üzrə trenddə birinci olub.