Azərbaycanın Bolqarıstandakı səfiri Nərgiz Qurbanova bu gün doğum gününü qeyd edir. 

İnsider.az bildirir ki, xanım səfirimizi yaxınları, dostları, tanınmış iş adamları, eləcə də siyasi xadimlər doğum günü münasibəti ilə təbrik ediblər.

Qeyd edək ki, Bolqarıstanın Baş Naziri Boyko Borisov da N.Qurbanovanın “facebook” hesabında xanım səfirimizə doğum günü münasibəti ilə təbrik ismarışı ünvanlayıb. 

Xatırladaq ki, Nərgiz Qurbanova, 1991-1994-cü illərdə Bakı Dövlət Universitetinin "Beynəlxalq münasibətlər" ixtisası üzrə bakalavr təhsili alıb.Daha sonra o, 1995-1997-ci illərdə Bakı Dövlət Universitetinin "Beynəlxalq münasibətlər" ixtisası üzrə magistr təhsilinə yiyələnib. 1997-1999-cu illərdə isə Nərgiz Qurbanova, Qərb Universitetinin "Beynəlxalq menecment" ixtisası üzrə magistr təhsili alıb.

O, həm də, 1997-ci ildə Fransanın Nitsa Universitetində "Beynəlxalq hüququ" ixtisası üzrə, 2000-ci ildə isə İsveçin Yonçopinq Beynəlxalq Biznes Məktəbində "Beynəlxalq biznes" ixtisası üzrə təhsil alıb.Nərgiz Qurbanova, 2009-cu ildə Avstriyanın Vyana Universitetindən fəlsəfə elmləri doktoru dərəcəsi alıb.

Xanım səfirimiz ailəlidir, bir oğlu var. 

Nərgiz Qurbanova, 2001-2010-cu illərdə Xarici İşlər Nazirliyinin İqtisadi Əməkdaşlıq və İnkişaf İdarəsində müxtəlif vəzifələrdə çalışıb.

O, həmçinin 2004-2007-ci illərdə Azərbaycanın Avstriyadakı Səfirliyinə, 2010-2013-cü illərdə isə Azərbaycanın Birləşmiş Ştatlardakı Səfirliyinə ezam olunub.

Nərgiz Qurbanova, Azərbaycan Prezidenti İlham Əliyevin 12 yanvar 2016-cı il tarixli sərəncamı ilə Azərbaycanın Bolqarıstandakı fövqəladə və səlahiyyətli səfiri vəzifəsinə təyin edilib.