Hakerlər “Capital One” amerikan bankının bazalarını sındırıb kredit kartlarına olan 100 milyon sorğuya, minlərlə sosial sığorta nömrələri və bank hesablarına giriş əldə ediblər. İnsider.az bu haqda “The Washington Post”-a istinadla bildirir.

Qəzetin məlumatına görə, bu, dünyada ən iri miqyaslı kiberhücumlardan biri olub. Baxmayaraq ki, müştərilərin fərdi məlumatlarının etibarlılığı pozulmayıb, sındırılmadan dəyən zərər 100-150 milyon dollar civarında qiymətləndirilir.

Nəşriyyat qeyd edir ki, miqyaslı məlumat sızıntısının günahkarı Sietldan (Vaşinqton ştatı) olan 33 yaşlı Peyc Tompson olub. Daha əvvəl o, “Capital One”-a məlumat ötürülməsi üzrə xidmət göstərən kiçik şirkətdə çalışıb. FTB əməkdaşları qadına kiberdələduzluq üzrə ittiham irəli sürüblər. O, ilk məhkəmə dinlənməsinin təyin olunduğu avqustun 1-i tarixinədək həbsdə olacaq.

Samirə Məmmədova