“Coinbase” kriptovalyuta birjası rəqəmsal pulların istifadəsinə 100 milyon, hətta daha çox insanın cəlb edilməsi üçün açıq maliyyə sistemini yaradır. İnsider.az “CoinDesk”-ə istinadən yazır ki,  bunu şirkətin rəhbəri Brayan Armstronq bəyan edib.

Onun sözlərinə görə, hər insanın iqtisadi azadlığı yaxın 10 ildə əhəmiyyətli dərəcədə genişlənəcək.

O, şirkətinin rəqəmsal pulların əlçatanlığını artıracaq alət dəstini işə salmağa hazırlaşdığını deyib.

Həmçinin “Coinbase Ventures” proqramı açıq maliyyə sisteminin yaradılması ilə birgə məşğul olmaq üçün blokçeyn-startapları dəstəkləməyə davam edəcək. Bu məqsədlər üçün, birja rəhbəri hesab edir ki, “minlərlə şirkət” lazım olacaq.

Armstronqun yekun hədəfi yaxın 5-10 ildə milyard insanın güvənəcəyi brendi təşkil etməkdir. Hal-hazırda “Coinbase” rəqəmsal pul industriyasındakı aktivlərin ən iri mühafizidir.

Samirə Məmmədova