Platforma hər kəsə açıqdır və ödənişsizdir!

Azərbaycanda startap təsisçiləri üçün Startap Akademiyası fəaliyyətə başlayıb.

Onlayn platforma dünyanın bir nömrəli “Y Combinator” Akselerasiya Mərkəzinin “Startup School” təhsil proqramına əsaslanır. Platforma hər kəsə açıqdır və ödənişsizdir. Proqramın Azərbaycan üzrə təmsilçisi SUP.VC şirkətidir.

Startap Akademiyası, öz startapını həyata keçirən sahibkarlar üçün pulsuz onlayn proqramdır. Proqram, Y Combinator-un biznes mütəxəssislərindən video mühazirələr və bloq yazıları əsasında tərtib edilmişdir.

Startap Akademiyası hazırda startap üzərində işləyən və ya sadəcə ideyası olan bütün təsisçilər və potensial təsisçilər üçün açıqdır.

11 fevral tarixində baş tutan Startap Akademiyasının açılış tətdbirində SUP.VC şirkətinin direktoru Vüsal Kərimli qeyd edib ki, platforma beta versiyada fəaliyyətə başlayıb və ilkin razılaşmaya əsasən platformanın tam versiyası Gürcüstan, Qazaxstan və digər qonşu region ölkələri ilə birlikdə əməkdaşlıq formasında təqdim olunacaq.

Layihə region ölkələrdə olan startaplar üçün data baza rolunu da oynayacaq. 

Startap qurursunuzsa, bu proqram, ən yaxşı təcrübələrə, faydalı qaynaqlara və tətbiq oluna bilən tövsiyələrə əsaslanaraq şirkətinizi idarə etməkdə sizə kömək edəcəkdir. 

Proqrama aşağıdakı linkdən qoşula və dərslərə başlaya bilərsiniz: http://startup.edu.az/