Amerikalı sahibkar Elon Musk cümə axşamı Tesla şirkətinin səhmlərinin qiymətinin düşməsi səbəbindən 21 milyard dollardan çox itirib. Marja xəbər verir ki, bunu real vaxt rejimində aparan milyarderlərin Forbes reytinqinin məlumatları göstərir.

Qeyd edilir ki, Maskın sərvəti 21,5 milyard dollar və ya 8,84% azalıb. Beləliklə, hazırda onun sərvəti 221,3 milyard dollardır. Buna baxmayaraq, Forbes milyarderlər reytinqindən də göründüyü kimi, amerikalı sahibkar hələ də planetin ən varlı adamları siyahısına başçılıq edir.

Forbes-in məlumatına görə, İkinci yerdə Fransanın LVMH (Louis Vuitton Moet Hennessy) şirkətlər qrupunun baş direktoru Bernard Arnaultdur (188,6 milyard dollar). 3-cü yeri isə Amazon onlayn ticarət şirkətinin təsisçisi Ceff Bezos (165,8 milyard dollar) tutur.

Tesla səhmləri 10,75% ucuzlaşaraq 837 dollara düşüb. Şirkət bildirib ki, təchizat zənciri problemlərilə əlaqədar olaraq yeni modellərin buraxılışı gələn ilə qədər təxirə salınıb. Bu açıqlama səhmlərin ucuzlaşamsına səbəb olub.

Tesla 2003-cü ildə Musk tərəfindən təsis edilib. Onun qərargahı Kaliforniya ştatının Palo Alto şəhərində yerləşir. Əvvəlcə şirkət sırf elektriklə işləyən avtomobillərin istehsalında ixtisaslaşsa da, sonradan günəş panelləri və digər enerji yığma sistemləri yaratmağa başlayıb.

Bundan əlavə, Mask kosmik texnologiya istehsal edən və orbital buraxılışları həyata keçirən SpaceX (“Space-ex”) şirkətinin yaradıcısıdır.