“Facebook” “Messenger”-in daha yüngül və cəld versiyasını – “LightSpeed” layihəsini anons edib.

İnsider.az  xəbər verir ki, “LightSpeed” iki saniyədən az vaxta işə düşəcək və 30 MB-dan az çəkidə olacaq. Müqayisə üçün, “Messenger”-in cari versiyası 100 MB yaxındır. Şirkət rəsmi olaraq “LightSpeed”-i 2019-cu ilin sonunda işə salmağı planlaşdırır.

“Messenger”-in artıq “yüngülləşdirimiş” “Messenger Lite” versiyası mövcuddur. Lakin o, “VentureBeat"-in yazdığına görə, kiçik yaddaş həcmi olan cihazlar üçün tərtib edilmişdi və az sayda funksiya ilə fərqlənirdi.

“Facebook” “Windows” və “MacOS”-un dəstəkləyəcəyi “Messenger” üçün olan desktop tətbiqi barədə danışıb. “Messenger Desktop”-da mobil tətbiqdə olan eyni funksiyalar, o cümlədən qrup videoçatları olacaq. “Facebook” “Messenger Desktop”-u 2019-cu il ərzində təqdim edə bilər.

“Messenger”-də müştərək video onlayn-baxış üçün funksiya yaranacaq. Məsələn, istifadəçilər çarxlarla əvəzləşə, onlara real zamanda baxa və videoçatda şərhlərlə bölüşə biləcəklər. Bu funksiya hələ ki, test edilir və 2019-cu ilin sonuna doğru çıxa bilər.

“Facebook” bloqunda həmçinin ilkin tərtibat mərhələsində olan “rəqəmsal qonaq otağı” barədə deyilir. Orada istifadəçilər ən çox tez-tez ünsiyyətdə olduqları istifadəçilərin kontentlərini görəcəklər.

Samirə Məmmədova