"Google-ın qurucuları Larry Page və Sergey Brin, "Google"ın sahibi olan "Alphabet" şirkətinin İdarə Heyətinin sədri (CEO) vəzifələrindən istefa verəcəklərini açıqlayıblar.

İkili şirkətin Müşahidə şurasında qalmağa davam edəcəklər. Page və Brin şirkətlərini 1998-ci ildə ABŞ-ın Kaliforniya əyalətində bir qarajda qurmuşdu.

"Google"ın CEO-su (İdarə Heyətinin sədri və ya İcraçı direktoru) Sundar Pichai, "Alphabet"in də CEO-su olaraq ikilinin yerinə keçəcək.

"Alphabet" 2015-ci ildə, "Google" və sahibi olduğu şirkətlərin bir mərkəzdən idarə edilməsi məqsədilə qurulub. 

İkisi də 46 yaşında olan idarəçilər "artıq rəhbərlik strukturunu sadələşdirməyin təbii zamanı gəlmişdir" deyiblər:

"İkimiz də, şirkəti bizdən daha yaxşı idarə edəcək biri gördüyümüzdə idarəçiliyi buraxmaq istəməyən insanlardan deyilik. "Alphabet" və "Google"ın iki CEO və başçıya ehtiyacı yoxdur".

Page və Brin şirkətə tövsiyə verən və sevgilərini göstərən, lakin gündəlik işlərinə qarışmayan bir "valideynlər" kimi olacaqlarını, şirkət rəhbərliyini Pichai-dən daha yaxşı bir şəkildə icra edəcək kimsə olmadığını söyləyiblər.

Hindistanda doğulmuş  47 yaşındakı Pichai Stanford Universiteti və Pennsylvania Universitetində oxumaq üçün ABŞ-a getmiş, ardından 2004-də "Google"a qatılmışdır.

Marja