“Huawei” şirkəti yeni mobil qurğular üçün “Kirin 810” prosessorunu təqdim edib. Bu, tez-tez ucuz smartfonlarda tətbiq olunan “Qualcomm Snapdragon 710” prosessoru ilə rəqabət aparmaq üçün nəzərdə tutulmuş qabaqcıl çipdir.

İnsider.az “hitech.vesti.ru” saytına istinadən yazır ki, sözügedən yeni prosessor 7 nanometrlik texnoloji proses üzrə işlənib hazırlanıb.

“Kirin 810” prosessorunda tətbiq edilmiş “Mali-G52 MP6 GPU” adlı qrafik element ucuz “Huawei” və “Honor” smartfonlarında istifadə edilən “Kirin 710” çipi ilə müqayisədə 162%-lik məhsuldarlıq təmin edir. Neyroşəbəkə hesablaması “DaVinci” neyroprosessoru vasitəsilə təmin olunur.

©“ICTnews”