Adını “Meta” olaraq dəyişdirən “Facebook” ötən ilin oktyabr-dekabr dövrü üçün balansını açıqlayıb. “Meta” adı ilə ilk balans hesabatını təqdim edən “Facebook”un xalis mənfəəti ötən ilin son rübündə 8 faiz azalaraq 10,3 milyard dollara düşüb.

“Meta” ötən ilin oktyabr-dekabr dövrü üçün balans hesabatını açıqlayıb.

Şirkətin keçən ilin dördüncü rübündəki gəliri əvvəlki ilin eyni dövrü ilə müqayisədə 20% artaraq 33,7 milyard dollar təşkil edib. “Meta” 2020-ci ilin eyni dövründə 28,1 milyard dollar gəlir əldə etmişdi.

Şirkətin 2021-ci il ərzində gəliri əvvəlki ilə nisbətən 37% artaraq 117,9 milyard dollara yüksəlib.

“Meta”, bu ilin birinci rübündə onun gəlirinin 27-29 milyard dollar arasında olacağı gözləyir. Analitiklər şirkətin birinci rüb üçün gəlir proqnozunun 30,2 milyard dollar civarında olacağını gözləyirdilər.

Səhm üzrə mənfəət gözləntilərdən aşağı düşüb

Şirkətin xalis mənfəəti ötən ilin son rübündə 8% azalaraq 10,3 milyard dollar olub. “Meta”, 2020-ci ilin oktyabr-dekabr dövründə 11,2 milyard dollar mənfəət açıqlamışdı. “Meta”nın xalis mənfəəti 2021-ci ildə 2020-ci illə müqayisədə 35%  artaraq 39,4 milyard dollara çatıb. Virtual reallıq və ağıllı eynəklər, eləcə də hələ buraxılmamış digər məhsullar üzərində işləyən “Reality Labs” bölməsi keçən il 10 milyard dollardan çox zərər edib. Şirkətin 2020-ci ilin dördüncü rübündə 3,88 dollar olan səhm üzrə mənfəəti də ötən ilin eyni dövründə 3,67 dollara qədər azalıb. “Meta”nın səh başına qazancının bu müddət ərzində 3,84 dollar olduğu təxmin edilirdi.

Gözləntiləri qarşılaya bilməyən dördüncü rüb balans hesabatından sonra “Meta”nın səhmləri Nyu York Birjasının bağlanmasından sonra məhdud əməliyyatlarda 20 faizdən çox dəyər itirib.

“Facebook”un qurucusu Mark Zukerberq keçən il şirkətin adının “Meta” olaraq dəyişdirildiyini və şirkəti metaverse şirkətə çevirməyi hədəflədiyini açıqlamışdı.

Marja