“Samsung Electronics” qatlanan displeyli “Galaxy Fold” smartfonunun satışını sentyabr ayına planlaşdırır. İnsider.az xəbər verir ki, qurğunun, baxış prosesində jurnalistlər tərəfindən aşkar edilən qüsurlara görə, satış vaxtı dəyişdirilmişdi.  

Cənubi Koreya korporasiyasının yaydığı məlumatda qurğunun təkmilləşdirildiyi qeyd edilib. Əsasən də Infinity Flex displeyinin müdafiə qatı böyüdülüb. Ekranın müdafiəsinin gücləndirilməsi üçün əlavə metal qat yerləşdirilib, həmçinin şarnir və Galaxy Foldun korpusu arasındakı aralıq kiçildilib. 

Bununla yanaşı Samsung unikal qatlanan interfeys üçün çoxsayda tətbiq və servislər üzərində işə davam edəcək. Qurğunun nə zaman və harada əldə etmək mümkün olmasına dair informasiya isə satışdan bir neçə gün öncə məlum olacaq.