Prezident İlham Əliyev “Standartlaşdırma haqqında” qanunun tətbiq edilməsi barədə” fərmanında dəyişiklik edilməsi haqqında fərman imzalayıb.

İnsider.az xəbər verir ki, dəyişiklik dəqiqləşdirmə xarakteri daşıyır.

Belə ki, malın (xidmətin, işin), prosesin, idarəetmə sisteminin və işçi heyətinin müvafiq standartda, texniki reqlamentdə və digər normativ hüquqi aktda müəyyən olunmuş tələblərə uyğunluğunu təsdiq edən akkreditasiya edilmiş uyğunluğu qiymətləndirən qurumların vahid dövlət reyestri müvafiq icra hakimiyyəti orqanının müəyyən etdiyi orqanda (qurumda) aparılır. Burada müvafiq icra hakimiyyətinin səlahiyyətlərini Prezident həyata keçirəcək.

Uyğunluğu qiymətləndirən qurum isə Azərbaycan Akkreditasiya Mərkəzi olacaq.