Türkiyənin F-35 təyyarələrinin yaradılması proqramından çıxarılması ilə əlaqədar maliyyə itkisi 9 milyard dollar olacaq.

İnsider.az "TASS"-a istinadən xəbər verir ki, bu barədə Birləşmiş Ştatların müdafiə nazirinin müavini Ellen Lord açıqlama verib.

Onun dediyinə görə, Ankara iş yerlərini və müəyyən gəlirli sazişləri itirəcək.

Pentaqon rəsmisi bildirib ki, Türkiyə F-35 üçün 900-dən çox detal istehsal etməli idi, indi isə bununla ABŞ və digər ölkələr məşğul olacaq.

E. Lord Türkiyənin F-35 proqramına maliyyə yatırımlarının geri qaytarılacağı haqqında danışıqların aparıldığını da açıqlayıb.

© Oxu.az