"Whatsapp"da paylaşdığınız hekayəni eyni anda "Instagram" və "Facebook"da paylaşa biləcəyiniz yeni funksiya üzərində çalışılır.

İnsider.az Türkiyə mediasına istinadən xəbər verir ki, "Whatsapp"da paylaşılan hekayələrin daha çox adama çatması üçün sınaqlar aparan Facebook istifadəçilərin paylaşdığı bu məzmunların Facebook, Instagram və Messengerdə də görünməsini təmin etməyə çalışır.

Sınaq işləri bitdikdə və bu funksiya istifadəyə verildikdə "Instagram"da olduğu kimi hekayə yerləşdirərkən müxtəlif təklif variantları çıxacaq və istədiyiniz halda məzmun əlavə platformalarda da paylaşılacaq.

Qeyd edək ki, "Whatsapp"da yaradılacaq bu funksiyanı ilk olaraq siz sınamaq istəsəniz "Whatsapp Beta" proqramına qatılmağınız lazımdır.