“Yandeks” “iOS” üçün tətbiqlərin tərtibatı üzrə ödənişsiz onlayn kurslar işə salıb. İnsider.az bu barədə “vc.ru”-ya istinadla xəbər verir.

“Yandeks” kurslara ən azı bir obyekt üzrə istiqamətlənmiş proqramlaşdırma dili bilən (məsələn, Java və ya C++) yeni başlayan və təcrübəli proqramçıları dəvət edir. Qəbul sınaqları yoxdur, lakin iş üçün “MacOS” kompüteri lazım olacaq.

Üç aya iştirakçılar Swift-də proqramlaşdırmağı öyrənməli və öz fərdi mobil tətbiqini tərtib etməlidirlər. Mühazirələri “Yandeks”-in mütəxəssisləri aparır.

Proqram iki kursa bölünüb. Birincisi, tərtibatçılar üçün baza alətlərinin öyrənilməsinə həsr olunub: iştirakçılar yekunda öz tətbiqinin interfeysini yaratmaq üçün düymələri, verilənlərin daxil edilməsi üçün formaları və digər elementləri əlavə etməyi öyrənəcəklər. Bu kursa iyunun 30-na kimi qoşulmaq mümkündür.

İyulun 22-si başlanacaq ikinci kursda isə iştirakçılar verilənlərlə işləyəcəklər: tətbiqə serverlə qarşılıqlı işləməyi və orada məlumatı saxlamağı öyrənəcəklər, həmçinin optimallaşdırma ilə məşğul olacaqlar.

Qeyd edək ki, kursun ən yaxşı iştirakçılarını “Yandeks” iş üçün müsahibəyə dəvət edəcək.

Samirə Məmmədova