“Apple” yeni modelini cari ilin sentyabr ayında təqdim edəcəyi güman edilir. Cihazın geniş kütləyə təqdimatına hələ müəyyən qədər zaman olsa da, mütəxəssislər artıq indidən onun xüsusiyyətlərini təxmin etməyə çalışır.

Əlbəttə, bu məlumatlar hələ dəqiq olmaya bilər və “Apple”-dan da onların təsdiqi və ya təkzibini gözləməyə dəyməz.

Gəlin, sosial şəbəkədə gəzən məlumatları ümumi olaraq nəzərdən keçirək.

Əvvəla, yeni prototipin korpusunun əlamətləri tam şəkildə “iPhone”-un köhnə modellərinə uyğundur.  Bununla yanaşı yeni modelin çərçivəsnin ölçüləri nəzərə çarpacaq qədər kiçilib.

Ən diqqətçəkici məqam isə modelin üçqat kamerasıdır. Bu yeni maraqlı detal üçün korpusun arxasında qabarıq və sola doğru yerini dəyişmiş kvadrat platforma yaradılıb, üzərindəki obyektivlər üçbucaq şəklində yerləşib.

Yayılmış məlumatlara əsasən, yeni “iPhone”-lar həmçinin digər cihazları enerji ilə doldurmaq xüsusiyyətinə də malik olacaqlar.

Yeni modellərdə displeylərin artırılmış yenilənmə tezliyi şəklində güclü təkmilləşməsi olacaq – tətbiqlərdə və menyuda ekranlar 90 Hs tezliyi ilə çalışacaq. Bu görünütünü daha xoş və daha effektliv edəcək, bu isə “iPhone 11”-lə portret şəkilləri daha yüksək keyfiyyətli olacağına işarə edir. 

Samirə Məmmədova